Sanitariya-epidemiologik osoyishtalik va jamoat salomatligi qo‘mitasi  Xorazm viloyati boshqarmasi tomonidan "Aholini sanitariya-epidemiologik osoyishtaligi bilan bog‘liq muammoli masalalarni hal etishning yangicha «mahallabay» ishlash tizimi joriy etilib, bu borada ishlar amalga oshirib kelinmoqda. 

 "Mahallabay" yurish orqali soha xodimlari aholi orasida fuqarolarning dard-u tashvishi, muammo va masalalari o‘rganilib, fuqarolarning sanitariya madaniyati oshirilmoqda, yuqumli, parazitar kasalliklar, ovqatdan zaharlanish hamda mavsumiy kasalliklar tarqalishining oldini olishga qaratilgan targ‘ibot tadbirlari ham bugungi kunda o‘z samarasini bermoqda.

Bu borada Xorazm  viloyati Sanitariya-epidemiologik osoyishtalik va jamoat salomatligi  boshqarmasi   va shahar  tuman bo‘limi mutaxassislari tomonidan uangicha mahallabay ishlash bo‘yicha Gurlan tumanning  “Chinobod"  mahallasida  mahalla faollari bilan “Mahallabay” ishlash tizimi orqali yuqumli kasalliklarning oldini olish, xonadonlarda sanitariya-gigienik qoidalarga amal qilish orqali salomatlikni asrash boʻyicha uchrashuv tashkil etildi.

Uchrashuvda mahalla raisi va faollari, Xotin-qizlar masalasi boʻyicha maslahatchisi, yoshlar yetakchisi, tibbiyot xodimlari ishtirok etdi.

Unda yuqumli va parazitar kasalliklar, it va boshqa hayvonlar jarohatlar, ovqatdan zaharlanishlar, shu jumladan botulizm, brutsellyoz, qo‘tir, sil kabi kasalliklar va ularning kelib chiqish sabablari, profilaktikasi bo‘yicha maʼlumotlar berildi.

Shuningdek, mahallada joylashgan xonadonlarda  dizinfeksiya ishlari o‘tkazilib,ichimlik suvi taʼminoti, kanalizatsiya tizimining holati, uy hayvonlari saqlanadigan joylarning holati, chiqindilarini tozalash, yigʻish va koʻmish ishlarining olib borilishi boʻyicha  tavsiyalar berildi .
Suhbat davomida mutaxassislar mahalla faollariga  yuqorida qayd etilgan holatlar, ularning kelib chiqish sabablari, mazkur kasalliklarga xos klinik belgilar, davolash usullari va amalga oshirilishi lozim boʻlgan profilaktik tadbirlar boʻyicha mutaxassislar  tomonidan tushuntirilib va  tarqatma materiallar tarqatildi.