Санитария-эпидемиологик осойишталик ва жамоат саломатлиги Хоразм  вилояти бошқармаси, шаҳар ва туман  бўлимлари ҳамда  Республика «Тиббиёт дунёси» МЧЖ мутахассиси ва тиббиёт бирлашмаси иммунологлари, эпидемиологлар, болалар ва ўсмирлар гигиенаси санитария врачлари  иштирокида «Вирусли гепатит А касаллигининг олдини олайлик» мавзусидаги семинар ўтказилди.

 Республика «Тиббиёт дунёси» МЧЖ мутахассиси Б.И.Алматов   сўзга чиқиб,  вирусли гепатит А касаллигига қарши курашда сезиларли ютуқларга эришилганлиги, шу билан бир қаторда вирусли гепатит касалликларини профилактикаси долзарб муаммо бўлиб қолаётганлиги гапириб ўтди.                                        

 Семинар жараёнида, вирусли гепатит А касаллиги юқумли касаллик бўлиб, касаллик жигар  фаолиятининг бузилиши билан кешувчи, вируслар чақирувчи, ўзгарган озиқ-овқат, қайнатилмаган сув орқали, зарур санитария шароитлари риоя қилинмаган, шахсий гигиена қоидаларига амал қилинмаган ва шу касал билан оғриган бемор билан яқин алоҳада  бўлган ҳолатда юқадиган касалликнинг (енгил, ўрта ва оғир) турларига кенг турда мисоллар келтирилди.

Семинар сўнгида Санитария-эпидемиологик осойишталик ва жамоат саломатлиги Хоразм  вилояти бошқармаси, шаҳар ва туман  бўлимлари хамда тиббиёт бирлашмаси мутахассислари вирусли гепатит А касаллиги эпидемиясига қарши ўтказилаётган чора - тадбирларни янада такомиллаштириш бўйича ўз таклифларини беришди.
Семинар йиғилиш интерактив тарзда ўтди, бу эса мутахассисларда юзага келган муаммолар ва уларни ечими борасида эркин баҳс - мунозара юритишга имкон берди.